काठमाडौँ – जेन-जी आन्दोलनपछि सत्ताच्यूत भएको नेकपा (एमाले) का सांसद सूर्य थापा पूर्वप्रधानन्यायाधीश सुशीला कार्कीविरुद्ध खनिएका छन् ।
कार्की नेतृत्वमा अन्तरिम मन्त्रिपरिषद् गठन गरी नयाँ चुनाव गराउने प्रयास भइरहँदा एमाले नेता थापाले विद्युतीय सामाजिक सञ्जाल फेसबुकबाट कटु टिप्पणी गरेका हुन् ।
प्रधानमन्त्रीमा प्रस्तावित कार्कीको वडासदस्य जित्ने हैसियत पनि नभएको दाबी गर्दै थापाले उनी संविधानविपरित जस्केलाबाट प्रधानमन्त्री बन्ने जङ्गली महत्वाकांक्षामा रहेको लेखेका हुन् ।
‘वडासदस्य जित्ने हैसियत छैन, संविधानविपरित जस्केलाबाट प्रधानमन्त्री बन्ने जंगली महत्वाकांक्षा ? राम राम राम !’ थापाले लेखेका छन्, ‘दुर्गा सुवेदी दाइ एकपटक सोसल मिडियामा भेटिएको उहाँकै यो फैसला पढेर सुनाइदिनुस न ! आफैँले के राय लेख्नुभएको रहेछ ???’
पहिलो संविधानसभा भङ्ग भएपछि सर्वोच्च अदालतका वहालवाला प्रधानन्यायाधीश खिलराज रेग्मीको अध्यक्षमा मन्त्रिपरिषद् गठन भएको थियो । सरकारको सो निर्णयविरुद्ध परेको रिटमा पछि कार्कीले गरेको फैसलाको अंशलाई पनि थापाले फेसबुकमा शेयर गरेका छन् ।
सोमबार सुरु भएको जेन-जी प्रदर्शनमा सरकारले ठूलो सङ्ख्यामा मानवीय हताहती हुने दमन गरेपछि मङ्गलबारको प्रदर्शन उग्र बनेको थियो । प्रदर्शन बढ्दै गएपछि थापाको पार्टी एमालेका अध्यक्ष केपी शर्मा ओलीले पदबाट राजीनामा गरी सेनाको हेलिकोप्टरबाट अन्यत्रै भागेका थिए ।
थापाले लेखेको फेसबुक स्टाटस :
प्रतिक्रिया