काठमाडौं – एसिया कप क्रिकेटमा बङ्गलादेशले विजयी सुरुवात गरेको छ। बङ्गलादेशले आफ्नो पहिलो खेलमा हङकङलाई ७ विकेटले हराएको हो।

गएराति भएको खेलमा हङकङले दिएको १४४ रनको लक्ष्य बङ्गलादेशले १७ ओभर ४ बलमा ३ विकेट गुमाएर भेट्टाएको हो। त्यसअघि पहिला ब्याटिङ गरेको हङकङले निर्धारित २० ओभरमा ७ विकेटको क्षतिमा १४३ रन बनाएको थियो।

हङकङ यो लगातार दोस्रो हार हो। पहिलो खेलमा अफगानिस्तानसँग ९४ रनले पराजित भएको थियो। लिग चरणको आफ्नो अन्तिम खेलमा अब उसले श्रीलङ्कासँग खेल्नेछ। समूह ‘ए’को खेलमा आज पाकिस्तान र ओमान प्रतिस्पर्धा गर्नेछन्। समूह ‘ए’ मा यूएईलाई ९ विकेटले हराउँदै भारतले विजयी सुरुवात गरेको छ।

एसिया कपमा दुई समूहका आठ टिमले प्रतिस्पर्धा गर्दैछन्। समूह ‘ए’मा भारत, पाकिस्तान, यूएई र ओमान छन् भने समूह ‘बी’मा श्रीलंका, अफगानिस्तान, बंगलादेश र हङकङ छन्। श्रीलंका, ओमान र पाकिस्तानले अहिलेसम्म कुनै खेल खेलेका छैन।