काठमाडौं- भारतीय प्रधानमन्त्री नरेन्द्र मोदीले उज्बेकिस्तानका राष्ट्रपति शभकत मिर्जियोयेभसँग टेलिफोन वार्ता गरेका छन् । दुई नेताबीच भएको टेलिफोन वार्तामा द्विपक्षीय सम्बन्धलाई थप मजबुत बनाउने सहमति भएको छ ।

भारतीय समाचार संस्था एएनआईका अनुसार वार्ताका क्रममा दुई नेताले भारत र उज्बेकिस्तानबीचको रणनीतिक साझेदारीलाई थप सुदृढ गर्ने सहमति गरेका छन् ।

वार्ताका क्रममा दुवै नेताले द्विपक्षीय सम्बन्धलाई नयाँ उचाइमा पुर्‍याउन व्यापार, लगानी, ऊर्जा, र रक्षा क्षेत्रमा सहकार्य बढाउने विषयमा छलफल गरेका छन् । साथै, दुई नेताबीच क्षेत्रीय सुरक्षा र स्थिरताका लागि संयुक्त प्रयासलाई जारी राख्ने पनि सहमती भएको छ ।

प्रधानमन्त्री मोदीले उज्बेकिस्तानको विकास र समृद्धिका लागि भारतको निरन्तर समर्थन रहने प्रतिबद्धता पनि व्यक्त गरेका छन् । यो वार्ताले दुई देशबीचको ऐतिहासिक र सांस्कृतिक सम्बन्धलाई थप बलियो बनाउने अपेक्षा गरिएको छ ।

भारत र उज्बेकिस्तानबीच सन् १९९२ मा औपचारिक कूटनीतिक सम्बन्ध स्थापना भएको थियो । पछिल्लो समय भारतले मध्य एशियाका मुलुकहरुसँग आफ्नो सम्बन्धलाई सुमधुर बनाउँदै लगेको छ ।