काठमाडौं– द्विपक्षीय सम्बन्धलाई थप विस्तार गर्ने विषयमा भारत र ब्रुनाइका अधिकारीहरुबीच छलफल भएको छ । भारतीय विदेशसचिव (पूर्व) र ब्रुनाइ दारुसलामको विदेश मन्त्रालयका स्थायी सचिव हाजा जोहारिहा बिन्ती अब्दुल वहाबबीच मलेशियामा भेटवार्ता भएको हो ।

भेटवार्ताका क्रममा दुई अधिकारीबीच द्विपक्षीय साझेदारलाई अझ विस्तार गर्ने विषयमा छलफल भएको भारतीय समाचार संस्था एएनआईले जनाएको छ । पछिल्लो समय भारतले दक्षिणपूर्वी एशियाली मुलुकहरुको संगठन आशियानका सदस्यहरुसँग साझेदारी विस्तार गरिरहेको छ ।

यसै अनुसार आशियान सदस्य राष्ट्र ब्रुनाइका अधिकारीसँग भारतीय विदेश सचिवले भेटवार्ता गरेको जनाइएको छ । आशियानमा ब्रुनाइसहित कम्बोडिया, इण्डोनेशिया, मलेशिया, लाओस, म्यान्मार, भियतनाम, सिंगापुर, थाइल्याण्ड र फिलिपिन्स गरी १० मुलुक सदस्य छन् ।