काठमाडौं– सीजी हिरो मोटोकर्पले एक्सट्रयाकको दोस्रो संस्करण पोखरामा यही शनिबार गर्ने भएको छ । पहिलो संस्करणको रुपमा धुलिखेलमा अवस्थित ‘डर्ट टेम्पल’मा ३ सय बढी राइडरहरुको सहभागितामा ‘एक्सट्रयाक’ इभेन्ट सम्पन्न गरेसँगै अब पोखरामा पनि गर्नलागेको हो ।

पोखराको महेन्द्र गुफा नजिक आयोजना हुने ‘एक्सट्रयाक इभेन्ट’ बिहान १० बजेबाट सुरु हुनेछ ।

पोखराको इभेन्टमा मोटरसाइकलप्रेमी राइडरहरुले डर्ट ट्रयाक एवं अफ रोड राइडिङ्गको अनुभव गर्न पाउने आयोजक कम्पनीले जनाएको छ ।

यस इभेन्टमा सहभागिता जनाउन चहनेले हिरो मोटोकर्प नेपालको सोसियल मिडिया पेजान गई निःशुल्क रूपमा रजिष्ट्रेसन गरी आफ्नो सिट सुरक्षित गर्नुपर्नेछ । सहभागिताका लागि चालक अनुमति पत्रका साथ सेफ्टी गियरहरु साथमामा लिएर आउनु पर्नेछ । 

इभेन्टमा सहभागी तथा अनुभवी राईडरहरुका लागि हिरो मोटोकर्पका तर्फबाट मोटरसाइकल उपलब्ध गराइनेछ । साथै कम्पनीका तर्फबाट निःशुल्क एक्सपल्स ब्राण्डेड जर्सी लिमिटेड एडिशनको व्यवस्था गरिएको कम्पनीले बताएको छ ।