काठमाडौं– इंग्लिस प्रिमियर लिग फुटबलमा लिभरपुल र आर्सनलले बराबरी खेलेका छन् ।
यसअघि नै उपाधि जितिसकेको लिभरपुल र दोस्रो स्थानमा रहेको आर्सनलबीच आइतबार राति भएको खेलमा दुवै टोलीले २–२ गोलको बराबरी खेलेका हुन् ।
लिभरपुलका लागि कोडी गाप्को र लुइस डियाज तथा आर्सनलका लागि गाब्रियल मार्टिनेली र माइकल मेरिनोले गोल गरे ।
खेलको २०औँ मिनेटमा गाक्पोले लिभरपुललाई पहिलो अग्रता दिलाएका थिए । त्यस लगत्तै २१औँ मिनेटमा डियाजले गोल गरे । खेलको ४७औँ मिनेटमा मार्टिनेलीले हेड गोल गरे भने मेरिनोले ७०औँ मिनेटमा गोल गरे । ७९औँ मिनेटमा मेरिनो रातो कार्ड पाएर बाहिरिएका थिए ।
प्रतिक्रिया