काठमाडौं – भारतीय नायिका रश्मिका मन्दना घाइते भएका कारण अहिले आराम गरिरहेकी छन् । उनले सामाजिक सञ्जालमार्फत आफू घाइते भएर आराम गरिरहेको जानकारी दिएकी हुन् ।

केही दिनअघि जिम गर्ने क्रममा उनी घाइते भएकी छन् । सामाजिक सञ्जालमा उनले दाहिने खुट्टामा प्लास्टर गरेको तस्बिर सार्वजनिक गरेकी छन् ।

उनले लेखेकी छन्, ‘म केही साता वा महिनापछि मात्रै छायाङ्कनमा फर्कदै छु । कहिले भन्ने भगावन्लाई मात्रै थाहा छ ।’

उनी घाइते भएका कारण सलमान खान स्टारर फिल्म ‘सिकन्दर’को छायाङ्कन बढी प्रभावित भएको बुझिएको छ । भारतीय मिडियाहरुको अनुसार यसको छायाङ्न चलिरहेकै समयमा उनी घाइते भएकी हुन् ।

उनले छायाङ्कन ढिला हुने भएकाले फिल्महरु सिकन्दर, थामा र कुवेरका निर्देशकहरुसँग माफीसमेत मागेकी छन् । भनेकी छन्, ‘ढिलाइको लागि निर्देशकहरुसँग माफी चाहान्छु । एक्सनका लागि मेरो खुट्टा ठीक भएपछि फर्कने छु ।’

रश्मिका स्टारर फिल्म ‘पुष्पा-२’ प्रदर्शनरत छ । उनी सलमानसँग पहिलो पटक ‘सिकन्दर’मा सहकार्य गर्दैछिन् । पछिल्लो समय उनी भारतको बढी माग भएकी नायिका हुन् ।