काठमाडौं – एफए कप फुटबलको तेस्रो चरणको खेलमा म्यानचेस्टर सिटीले सालफोर्डमाथि ८-० को सानदार जित हात पारेको छ।

सिटीका जितमा दोस्रो हाफमा जेम्स म्याक टयीले ह्याट्रिक गरे। उनले ७२, ७२ र ८१ मिनेटमा गोल गर्दै ह्याट्रिक पूरा गरेका हुन्।

खेलको सुरुवात अर्थात् ८ मिनेटमा पेनाल्टी गोलबाट सिटीले अग्रता लिएको थियो। सिटीका लागि पहिलो पेनाल्टी गोल जेरेमी डोकुले गरे। उनले व्यक्तिगत दोस्रो गोल ६९ मिनेटमा पाएको पेनाल्टीलाई सदुपयोग गर्दै गरेका थिए।

सिटीका लागि डेब्यु गरेका युवा स्ट्राइकर डेभिन मुबामाले खेलको २० मिनेटमा गोल गरेका थिए भने अर्को एक गोल खेलको ४३ औं मिनेटमा निको ओ रेलीले पनि गोल गरेका थिए।

गएरातिको खेलमा सिटीले नियमित मैदानमा रहेका धेरै खेलाडीलाई आराम दिएको थियो। यसैको मौका पारेर ज्याक ग्रेलिसले खेलको ४९ मिनेटमा पाएको पेनाल्टीको सदुपयोग गर्दै एक वर्ष भन्दा बढीको अन्तरमा सिटीका लागि गोल गरे।