काठमाडौं- नेपाल प्रिमियर लिग एनपीएलको दोस्रो क्वालिफायर खेलमा विराटनगर किङ्गसको इनिङ संकटमा परेको छ । कीर्तिपुरस्थित त्रिवि अन्तर्राष्ट्रिय क्रिकेट रङ्गशालामा अहिले विराटनगरले लुम्बिनी लायन्सको सामना गरिरहेको छ ।

टस हारेर पहिले ब्याटिङ गरेको लुम्बिनीले निर्धारित २० ओभरमा ८ विकेट गुमाउँदै १ सय ३४ रन बनाएको छ । १३५ रनको लक्ष्य पछ्याउँदै जवाफी ब्याटिङमा उत्रिएको विराटनगरले १५ ओभरको समाप्तिसम्म ७५ रन बनाउँदा ८ विकेट गुमाइसकेको छ ।

विराटनगरका मार्टिन गप्टिल ३ बलमा २ रन बनाएर आउट भए । त्यसैगरी फाफ डू प्लेसी पनि ४ बलमा ३ रन बनाएर आउट भएका छन् । विकेटकिपर ब्याटर लोकेश बमले खाता नै खोल्न सकेनन् ।

साम हिजलेटले भने २८ बलमा ३४ रन बनाए । शंकर राना १४ बल खेलेर ७ रनमा आउट हुँदा मर्चेन्ट ड लाङ्गेले २० बलमा १७ रन जोडे । बसिर अहमद ६ बलमा २ रन बनाउँदै आउट हुँदा कप्तान सन्दीप लामिछानेले पनि ४ बलमा ३ रन बनाए ।

अहिले प्रतिश जीसी र नरेन भट्ट क्रिजमा छन् ।