वेस्ट इन्डिज– रोस्टन चेजको अलराउण्ड प्रदर्शनमा वेस्ट इन्डिजले पाकिस्तानसँगको पहिलो एक दिवसीय खेलमा ५ विकेटको जित हात पारेको हो । वर्षाले प्रभावित खेलमा पहिलो पारी ३७ ओभरमा छोटाइएको थियो । पाकिस्तानले ७ विकेटको क्षतीमा १७१ रन बनाएको थियो । 

डर्कवर्क लुइसको आधारमा दोस्रो पारीमा वेस्ट इन्डिजलाई ३५ ओभरमा १८१ रनको लक्ष्य दिइएको थियो । घरेलु टोलीले १० बल बाँकी रहँदा ५ विकेटको क्षतिमा १८४ रन बनायो । रोजले ४७ बलको सामना गर्दै अविजित ४९ रन बनाए ।

जस्टिन ग्रेभ्सले अविजित २६ रन जोडे । सेरफाने रुदरफोर्डले ३३ बलमा ४५ रन बनाए । पाकिस्तानका हसन अलि र मोहम्मद नवाजले दुई विकेट लिए । 

यस अघि टस हारेर पहिले ब्याटिङ गरेको पाकिस्तानका लागि नवाजले ३० बलमा ३६ रन जोडेका थिए । हसन तलातले ३२ बलमा ३१ रन जोडे । वेस्ट इन्डिजका जाइडन सायसले ३ विकेट लिए । उनले ७ ओभरमा २३ रन मात्र खर्चिए । चेजले ६ ओभरमा २६ रन खर्चेर एक विकेट लिए ।