काठमाडौं – स्कटल्याण्ड आगामी वर्ष भारत र श्रीलंकामा हुने विश्वकपको छनोट चरणबाटै बाहिरिएको छ । टि–२० विश्वकप २०२६ को युरोपियन छनोट अन्तर्गत शुक्रबार भएको खेलमा जर्सीसँग एक विकेटले पराजित हुँदै स्कटल्याण्ड छनोट चरणबाटै बाहिरिएको हो ।

स्कटल्याण्डले दिएको १३४ रनको लक्ष्य जर्सीले निर्धारित २० ओभरको अन्तिम बलमा पुरा गर्दै ऐतिहासिक जित निकालेको हो। प्रतियोगितामा स्कटल्याण्डले लगायतार दोस्रो हार ब्यहोरेको हो । यसअघि इटालीसँग १२ रनले पराजित भएको थियो ।

युरोपियन छनोट अन्तर्गत अहिले इटली र नेदरल्याण्ड्सबीचको खेल जारी छ । यदि इटलीले नेदरल्याण्ड्सलाई पराजित गर्न सफल भयो भने जर्सीले सहजै विश्वकपको टिकट पाउनेछ। तर नेदरल्याण्ड्सले इटलीलाई ठूलो अन्तरले हराए पनि जर्सीले रनरेटका आधारमा फाइदा लिन सक्छ।

योसँगै आगामी विश्वकपमा युरोपबाट कम्तीमा एक नयाँ राष्ट्र छनोट हुने भएको छ ।