काठमाडौं- पञ्जाबी गायक सिद्धु मुसेवालाको जीवन र हत्यामा आधारित डकुमेन्ट्री ‘द किलिङ कल’ बीबीसी युट्युबमा सार्वजनिक भएको छ ।

बीबीसीको आधिकारिक युट्युटब च्यानल ‘बीबीसी वर्ल्ड सर्भिस’ले सिद्धुको जन्म दिन पारेर बुधबार डकुमेन्ट्री सार्वजनिक गरेको हो । बीबीसीले डकुमेन्ट्रीलाई दुई भागमा तयार पारेको छ ।

डकुमेन्ट्री सार्वजनिक भएपछि सिद्धुका पिता बलकौर सिंहले असन्तुष्टि जनाएका छन् । परिवारको अनुमति बिना डकुमेन्ट्री सार्वजनिक भएको भन्दै उनी कानुनी प्रक्रियामा गएका छन् ।

भारतीय मिडिया टाइम्स अफ इन्डियाका अनुसार बलकौरले महाराष्ट्र प्रहरीले र सम्बन्धित निकायमा डकुमेन्ट्री प्रदर्शन रोक्न माग गर्दै उजुरी दर्ता गरेका छन् ।

बीबीसीले ‘अनधिकृत र संवेदनशील विषयको दुरुपयोग’ र ‘पारिवारिक गोपनीयता तथा मृतकको सम्मान विपरीत’ काम गरेको बलकौरको आरोप छ ।

परिवारसँग डकुमेन्ट्री निर्माण र प्रदर्शनको अनुमति नलिएको बलकौरको दाबी रहेको समाचार टाइम्स अफ इन्डियाले प्रकाशन गरेको छ ।

बलकौरले प्रदर्शन रोक्न माग गर्दै पञ्जाबस्थित जिल्ला अदालत मंसामा मुद्दा दर्ता गराएका छन् । जुन १२ अर्थात बिहीबार यस मुद्दाको सुनुवाइ तोकिएको छ ।

यस डकुमेन्ट्रीमा उनको हत्यामा संलग्न गोल्डी ब्रारको पनि अनर्वार्ता समावेश गरिएको बताइएको छ । उक्त अन्तर्वार्तालाई यो डकुमेन्ट्रीको रोचक खुराकको रुपमा चर्चा गरिएको छ ।

सिद्धु हत्या सन् २०२० मा भएको थियो । यस हत्याको जिम्मेवारी भारतको कुख्यात अपधारिक ग्याङ ’बिस्नोइ’ले लिएको छ ।