काठमाडौं – साफ यु–१९ च्याम्पियनसिपअन्तर्गत श्रीलंकाविरुद्ध खेल्नका लागि नेपालले सुरुवाती ११ सार्वजनिक गरेको छ ।

भारतको अरुणाञ्चल प्रदेशस्थित गोल्डेन जुब्ली स्टेडियममा सुरु हुन लागेको खेलमा नेपाली टोलीको गोलपोस्ट भक्तबहादुर परियारले सम्हाल्ने भउका छन् ।

यस्तै विजय उराव र रञ्जित लामाले स्टाइकरका रुपमा नेपालले मैदान उत्रारेको छ । भने डिफेन्सको जिम्मेवारी कप्तान राम थापा, प्रशान्त मोक्तान र मदन पौडेललाई दिइएको छ । सरोज दर्लामी, लछु थापा, सुजन डंगोल, धर्मेन्द्र कुँवर र सुवास बमले मिडफिल्डको जिम्मा पाएका छन् ।

नेपाली टोली ३–५–२ को फर्मेसनमा मैदान उत्रिएको छ । नेपालले श्रीलंका विरुद्ध जित हासिल गरे एक खेल अगावै सेमिफाइनलमा स्थान पक्का गर्नेछ । नेपाल रहेको समूह बी को पहिलो खेलमा भारतले श्रीलंकालाई ८–० को फराकिलो अन्तरले पराजित गरिकसको छ ।