काठमाडौं – टाटा मोटर्सको आधिकारिक वितरक सिप्रदी ट्रेडिङ्ग प्रालिले टाटाको कर्भ ईभी, नेक्सन के३ ईभीर टाटा सफारी वीरगञ्जमा सार्वजनिक गरेको छ।

वीरगञ्जस्थित प्राइम मोटर्समा बहुप्रतीक्षित गाडीहरू कर्भ ईभी, नेक्सन के३ ईभी र टाटा सफारी लन्च भएका छन् । 

कार्यक्रममा मधेश प्रदेशका भूमि व्यवस्था, कृषि तथा सहकारी मन्त्री जनार्दन सिंह क्षेत्री र सिप्रदीका प्यासेन्जर भेहिकलका बिजनेस युनिट प्रमुख सावन्त जंग सिजापती र टाटा मोटर्सको लागि नेपालका कन्ट्री म्यानेजर प्रसन्न रंगनाथान उपस्थित थिए।  

कार्यक्रममा सिजापतीले भने, ‘वीरगञ्जमा टाटाका नया गाडीहरू लन्च गर्न पाउँदा उत्साहित छौं। अब ग्राहकहरूले नेपालको बाटो सुहाउँदो टाटाका गाडी आफ्नो बजेट र इच्छा अनुसारले रोज्न सक्नु हुन्छ। ‘

 त्यस्तै  प्राइम मोटर्सका प्रोपाइटर सुवोध सापकोटाले वीरगञ्जमा टाटा मोटर्सको आधुनिक र प्रिमियम गाडीहरू लन्च गर्न पाउँदा हर्सित भएको बताए। 

कार्यक्रममा क्षेत्रीले भने, ‘सिप्रदीको सर्भिस सुविधा देखेर अत्यन्त प्रभावित भएको छु। यसमा अझै थप विकाश हुदै जाओस भन्ने कामना व्यक्त गर्न चाहन्छु ।’

टाटा मोटर्सको लागि नेपालका कन्ट्री म्यानेजर प्रसन्न रंगनाथानले कर्भ ईभीमा सिंगल चार्जमै काठमाडौँ-भारतको पटना, मुज्जफापुर सजिलै आवत जावत गर्न सकिने बताए।            

आजबाट वीरगञ्जका ग्राहकहरूले शोरुममा गएर लन्च भएको गाडीहरूको टेस्ट ड्राइभ गर्न सक्ने छन्।