काठमाडौं- नेकपा एमालेले विघटित प्रतिनिधिसभाका सदस्यहरूको बैठक बोलाएको छ ।

मुलुकमा विकिसत पछिल्लो राजनीतिक जटिलता र असामान्य परिस्थितिबारे छलफल गर्न एमालेले निवर्तमान सांसदहरूको बैठक बोलाएको हो ।

विघटित प्रतिनिधिसभाका एमाले दलका प्रमुख सचेतक महेश बर्तौलाका अनुसार मंसिर २ गते दिउँसो १ बजे बैठक पार्टी केन्द्रीय कार्यालय च्यासलमा बस्नेछ ।

बैठकलाई पार्टी अध्यक्ष केपी शर्मा ओलीले विशेष निर्देशन दिने तयारी गरिएको छ । बर्तौलाका अनुसार एमालेले अघि बढाएको संसद पुनस्थापनाको मुद्दालाई अन्य दलहरुलाई पनि सहमत गराउन पार्टी अध्यक्षले विशेष निर्देशन दिने भएका छन् ।

एमलेले फागुन २१ गते निर्वाचन हुन नसक्ने ठहर गर्दै संसद् पुनस्थापनाको मागलाई जोडदार रुपमा उठाउने निर्णय गरिसकेको छ ।

उता अर्को दल नेपाली कांग्रेसले पनि आइतबारदेखि संसद् पुनर्स्थापनाको पक्षमा हस्ताक्षर अभियान थालिसकेको ।