काठमाडौँ- नेपाली कांग्रेसका सभापति शेरबहादुर देउवा पुत्र जयवीरको लगानी रहेको आशंकाका भरमा मंगलबारको जेन-जी आन्दोलनकारीको नाममा जलाइएको नक्सालस्थित हिल्टन होटल अहिले पनि दनदनी बलिरहेको छ।
उक्त होटलमा मंगलबार अपरान्ह आगजनी गरेयता सल्किएको आगो अझै नियन्त्रण गर्न सकिएको छैन । यो होटल नक्साल क्षेत्रकै नयाँ पहिचानका रुपमा उभिएको थियो ।
२०८१ असारदेखि सञ्चालनमा आएको यो होटल एक वर्षमै खरानीमा परिणत भएको छ। शंकर ग्रुपका शाहिल अग्रवालसहितको लगानी रहेको यो होटल अब खरानीमा परिणत भएको छ। पर्यटकहरूको आकर्षण बनिरहेको होटलनजिकैको भाटभटेनी सुपर स्टोर पनि जलाएर ध्वस्त पारिएको छ।
तस्बिर : नेपाल फोटो लाइब्रेरी
प्रतिक्रिया