काठमाडौँ- नेपालका कयौँ ऐतिहासिक सम्पदा ध्वस्त पार्ने गरी मंगलबार भएको विध्वंशपछि ढिलो गरी सडकमा निस्किएको सेनाले सक्रियता बढाएको छ ।
मंगलबार मध्यरातबाट निस्किएको सेनाको टोली अहिले काठमाडौँ उपत्यकाभर फैलिएको छ। देशभर बुधबारसम्मलाई कर्फ्यु घोषणा गरेको सेनाले सडकमा निस्किएका सर्वसाधरणलाई धमाधम घर फर्काइरहेको छ ।
मंगलबार साँझ ५ बजेदेखि बुधबार बिहान ६ बजेसम्मलाई थप कर्फ्यु आदेश जारी भइसकेको अवस्थामा सेनाले सक्रियता तीव्र बनाएको हो ।
अतिआवश्यकीय कामबाहेक बाहिर निस्किनेलाई सेनाले घरतिर फर्काइरहेको छ। यसैबीच काठमाडौँ र पोखराबाट सेनाले दर्जनौँ नाल अत्याधुनिक हतियार पनि बरामद गरेको छ।
तस्बिरहरू : नेपाल फोटो लाइब्रेरी
प्रतिक्रिया