नयाँ दिल्ली – पाकिस्तानका प्रधानमन्त्री शाहबाज शरिफले भारत र पाकिस्तानबीच भएको युद्धविराम सहमतिप्रति प्रतिक्रिया दिएका छन्।

प्रधानमन्त्री शरीफले सामाजिक सञ्जाल एक्समा लेखेका छन्, ‘क्षेत्रीय शान्तिका लागि आफ्नो नेतृत्व र सक्रिय भूमिकाको लागि हामी अमेरिकी राष्ट्रपति डोनाल्ड ट्रम्पलाई धन्यवाद दिन्छौं।’

उनीले थपेका छन्, ‘यस नतिजासम्म पुग्न मद्दत पुर्‍याएकोमा पाकिस्तानले अमेरिकाको सराहना गर्छ, र यसलाई हामीले क्षेत्रीय शान्ति र स्थिरताको हितमा स्वीकार गरेका छौं। हामी अमेरिकी उपराष्ट्रपति जेडी वेस र विदेशमन्त्री मार्को रुबियोलाई पनि दक्षिण एसियामा शान्तिका लागि पुर्‍याएको योगदानका लागि धन्यवाद दिन्छौं।’

यसअघि अमेरिकी राष्ट्रपति डोनाल्ड ट्रम्पले भारत र पाकिस्तानबीच तत्काल र पूर्ण संघर्षविराममा सहमति बनेको जानकारी सार्वजनिक गरेका थिए।