काठमाडौं – राफिन्हाले लियानेल मेसीको एकै संस्करणको च्याम्पियन्स लिगमा सबै भन्दा धेरै गोलमा संलग्न हुने खेलाडीको कीर्तिमानसँग बराबरी गरेका छन् । यो कीर्तिमानी बराबरीसँगै बुधबार राति भएको खेलमा बार्सिलोनाले बोरुसिया डर्टमन्डलाई ४-० ले हराएको छ ।

ब्राजिलियन स्टार राफिन्हाले एक गोल गर्नुका साथै दुई एसिस्ट गरे । उनी यस सिजन १९ गोलमा संलग्न भएका हुन् । सन् २०११-१२ को सिजनमा मेसी पनि १९ गोलमा संलग्न थिए ।

यस सिजनमा राफिन्हाले गरेको १२ गोलमा बार्सिलोनाले पहिलो हाफले अग्रता लिएको खेलमा दोस्रो हाफमा रोबर्ट लेवान्डोस्कीले दुई गोल थपे। अन्त्यमा युवा स्टार लामिन यमालले गोल गरेपछि बार्सिलोनाको सेमिफाइनल सम्भावना प्रबल भएको हो ।

खेलको २५ औँ मिनेटमा पाउ कुबरासीको सहयोगमा पहिलो गोल गरेका राफन्हलो ४८ औँ मिनेटमा लेवान्डोस्कीका लागि गोलको अवसर सिर्जना गरेका थिए । १५ अप्रिलमा यी दुई टोलीबीच दोस्रो लेगका खेल हुनेछन् ।