काठमाडौं – जुनिम गहतराजको निर्देशन रहेको फिल्म ‘ताण्डवम्’को ट्रेलर रिलिज गरिएको छ । काठमाडौंको जमलस्थित एक फिल्म हलमा सोमबार आयोजित एक कार्यक्रमका बीच सिनेमाको २ मिनेट ५ सेकेण्ड लामो ट्रेलर सार्वजनिक गरिएको हो ।

पारिवारिक तथा एक्सन थ्रिलर जनरामा निर्माण भएको सिनेमाको ट्रेलर पछिल्लो समय नेपालमा निर्माण भइरहेका फिल्मभन्दा भिन्न देखिन्छ ।

निर्माण पक्षका अनुसार यो फिल्म सस्पेन्स थ्रिलर जनरामा निर्माण भएको हो । कथा खुल्ने भएकाले ट्रेलरमा धेरै कुरा अटाउन नसकिएको बताए ।

उनले भने, ‘हाम्रो फिल्ममा सन्सपेन्स खुराक धेरै छ । कथा खुल्ने डरले ट्रेलरमा राख्नुपर्ने विषय पनि राखेका छैनौं ।’

दर्शक हलमा पुगेपछि निराश हुनु नपर्ने गरी फिल्म निर्माण गरेको निर्देशक गहतराजको दाबी छ ।

यो फिल्म महाशिवरात्रि लक्षित गरी फागुन ९ गतेबाट प्रदर्शनमा राखिएको छ ।

फिल्मा पुष्कर गुरुङ, प्रेम सुब्बा, सरिना मगर, अनोज पाण्डे, कमल कार्की र गोपाल कटुवालको अभिनय रहेको छ । चल्तीका स्टारलाई नलिइ गहतराजले फिल्म निर्माण गरेका छन् ।

सिंहदेवी प्रोडक्सनले भिजुअल आट्र्स स्टुडियोको सहकार्यमा फिल्म निर्माण गरेको हो । यसका निर्माताहरु धनकुमारी गहतराज, सविना मगर र मनिष गौतम हुन् । फिल्मको कथा, पटकथा तथा संवाद अनिरुद्ध आत्रेय र हुसेनले लेखेका हुन् ।

हेर्नुहोस् ट्रेलर :