काठमाडौं- पछिल्लो समय नेपाल विद्युत् प्राधिकरणका प्रबन्ध निर्देशक कुलमान घिसिङलाई हटाउन सरकारले जोडतोड गरिरहेको छ ।

कुलमानलाई हटाउन केपी शर्मा ओली नेतृत्वको सरकारले पटक पटक स्पष्टीकरण पनि सोधिसकेको छ । पछिल्लो पटक पनि उनलाई स्पष्टीकरण सोधेर हटाउने कोसिस भएको छ।

घाटामा रहेकव प्राधिकरणलाई नाफामा लगेर चर्चा कमाएका कुलमानलाई हटाए फेरि देशमा लोडसेडिङ हुने चिन्ता आममानिसमा छ ।

यस्तो चिन्ता र चासोबीच कुलमान र सरकारबीचको द्वन्द्वलाई खबरहबका लागि दीपक गौतमले कार्टुनमार्फत देखाउन खोजेका छन् ।

देशबाट १८ घण्टा लामो लोडसेडिङ हटाएका कुलमानको काममा अवरोध गरेर ओलीले फेरि देशलाई टुकी युगतिर फर्काउन खोजेको गुनासो आममानिसले गरिरहेका छन् । यही गुनासोलाई यस कार्टुनमार्फत् देखाएर ओली नेतृत्वको सरकारमाथि कटाक्ष गर्न खोजिएको छ ।