काठमाडौं- अमेरिकाले आफ्नो हितको रक्षा गर्न कुनै कसर बाँकी नराख्ने अमेरिकी रक्षामन्त्री पिट हेगसेथले बताएका छन् । मलेशियाको क्वालालम्पुरमा आयोजित कार्यक्रममा चिनियाँ समकक्षी डोङ जुनसँगको भेटवार्ताका क्रममा रक्षामन्त्री हेगसेथले यस्तो बताएका हुन् ।

उनले क्षेत्रीय शक्ति सन्तुलनलाई कायम राख्न पनि आवश्यक रहेको टिप्पणी गरे । भेटवार्तामा रक्षामन्त्री हेगसेथले दक्षिण चीन सागरको विवादित क्षेत्रमा चिनियाँ गतिविधिप्रति अमेरिका चिन्तित रहेको बताएका थिए ।

उनले अमेरिकाले द्वन्द्व नचाहने पनि स्पष्ट पारे । जवाफमा चिनियाँ रक्षामन्त्री डोङले अमेरिकालाई बचन र व्यवहारमा सावधानी अपनाउन आग्रह गरेको चिनियाँ रक्षा मन्त्रालयले जनाएको छ ।

खासगरी ताइवानका विषयमा अमेरिकाले यस्तो सावधानी अपनाउनुपर्ने मन्त्रीको भनाइ छ । उनले अमेरिकालाई ताइवानको स्वतन्त्रताविरुद्ध स्पष्ट अडान लिन पनि हेगसेथलाई आग्रह गरेका थिए ।