काठमाडौँ – वायु सेवा सञ्चालक सङ्घ नेपालले पछिल्लो राजनीतिक सङ्कटमा आफ्ना हेलिकोप्टरले कुनै पनि राजनीतिज्ञ, मन्त्री लगायतका लागि उडान नभरेको जनाएको छ ।

अध्यक्ष मनोज कार्कीले मङ्गलबार साँझ एक विज्ञप्ति जारी गर्दै कुनै पनि राजनीतिज्ञ र मन्त्रीलगायतका लागि निजी क्षेत्रवाट संचालित हेलिकप्टरहरुले कुनै पनि उडान नगरेको बताएका हुन्‌ ।

‘राजनीतिज्ञ, मन्त्री लगायतका अन्य महानुभावहरुलाई सदस्य वायुसेवा कम्पनीहरुका हेलिकप्टर प्रयोग गरी सुरक्षित स्थान तर्फ लगिएको भन्ने भ्रामक हल्ला प्रति यस संघको ध्यानाकर्षण भएको छ’, कार्कीले विज्ञप्तिमा लेखेका छन्‌, ‘यस प्रकारको कपोकल्पित, निराधार हल्ला प्रति नलाग्न यो संघ हार्दिक आग्रह गर्दछ ।’

हवाई टिकट लिएका सम्पूर्ण यात्रुहरूले विषम परिस्थितिका बाबजुद उडान भर्न नपाएको खण्डमा सदस्य वायुसेवा कम्पनीहरूबाट काटिएको टिकटको सम्पूर्ण रकम समेत फिर्ता गर्ने उनले जानकारी दिएका छन्‌ ।

विषम परिस्थितिका कारण आम जनसमुदायमा पर्न गएको असुविधाप्रति संघले क्षमायाचना पनि गरेको छ ।

सङ्घको विज्ञप्ति :