काठमाडौं– नेपाली कांग्रेसको भ्रातृ संगठन नेपाल विद्यार्थी संघ (नेविसंघ) मा एक–अर्कालाई साधारण सदस्यसमेत नरहने गरी संगठनबाट निस्कासन गर्ने होडबाजी चलेको छ । 

केन्द्रीय सदस्यहरू अनुराग शाह र अशोकसिंह बिष्टले आफूहरूलाई कारबाही गर्ने केन्द्रीय अध्यक्ष दुजाङ शेर्पालाई नै कारबाही गरिएको दावी गरेका छन् । 
उनीहरूले शुक्रबार संयुक्त वक्तव्य जारी गर्दै केन्द्रीय शेर्पासँगै केन्द्रीय सदस्य परोपकार अधिकारीलाई संगठनको साधारण सदस्यसमेत नरहने गरी कारबाही गरिएको जनाएका छन् ।
 
‘नेविसंघको विधान, २०२७ (संशोधन सहित) को धारा २४ ९२० तथा आचारसहिता, २०८१ को नियम १५ (क), (ग) र नियम ७ बमोजिमको व्यवस्थाबमोजिम अनुशासनको कारबाही गरी आजकै मितिबाट लागू हुने गरी साधारण सदस्यसमेत नरहने गरी निलम्बन गरिएको छ,’ संयुक्त विज्ञप्तिमा भनिएको छ ।
 
यसअघि आरआर क्याम्पसको स्ववियु निर्वाचनको विषयलाई लिएर अध्यक्ष शेर्पाले शाह र बिष्टलाई कारबाही गरेका थिए । शाह कांग्रेस प्रवक्ता डा. प्रकाशशरण महत र बिष्ट गृहमन्त्री रमेश लेखकनिकट मानिन्छन् ।