काठमाडौं – नायक आकाश श्रेष्ठ र फिल्म ‘दुई नम्बरी’की नायिका उगेन छोदेनको अभिनय रहेको ‘माया के हो ?’ बोलको गीत सार्वजनिक भएको छ ।

जमलस्थित एक फिल्म हलमा मंगलरबार कार्यक्रमको आयोजना गरी गीत सार्वजनिक गरिएको हो ।

यस गीतमा गायक सुरेश लामा र गायिका त्रिशला गुरुङको स्वर रहेको छ । प्रेम राजा अधिकारीको शब्द रहेको गीतको भिडिओलाई कुलेखानीमा छायांकन गरिएको छ ।

अर्जुन पोखरलेको संगीत रहेको यस गीतको भिडियो निकेश खड्काको निर्देशनमा तयार भएको हो ।

गीत मन परेर लामो समयको म्युजिक भिडियोमा विश्रामलाई तोडेको नायक श्रेष्ठले बताए ।

उनले थपे, ‘म अहिले मेरो व्यवसायिक कामसँगै फिल्मकै कारण म्युजिक भिडिओमा पनि कम देखिएको छु । यो गीत सुन्दा मन पर्यो साथै यसलाई भिडिओ बनाउने टिमसँग म पहिले देखि काम गरिरहेकोले यो सहकार्य सम्भव भएको हो ।’

त्यस्तै, फिल्म ‘दुई नम्बरी’पछिको यस भिडियोमार्फत दर्शकसँग फेरि भेट गर्न पाउँदा आफू उत्साहित रहेको नायिका छोदेनले सुनाइन् ।

म्युजिक भिडियो :