काठमाडौं– आज एक महिनाको पोखरा बसाइपछि काठमाडौं फर्किन लागेका पूर्व राजा ज्ञानेन्द्र शाहको स्वागतमा राजावादी शक्तिहरू राजधानीमा एकजुट भएर लाग्दै छन् ।
सामाजिक सञ्जालदेखि मिडियासम्म राजावादीको विषयले प्राथमिकता पाइरहँदा शेयर बजार भने आज सुरुदेखि निरन्तर ओरालो लागेको छ ।
२ बजेर ५ मिनेटसम्म आइपुग्दा नेप्से परिसूचक ४३.२२ अंकले घटिसकेको छ । त्यस्तै सोही समयसम्म नेप्सेको पुँजीकरण पनि १.५३ प्रतिशतले घट्न पुगेको छ ।
अहिलेसम्म नेप्सेमा भएको शेयर कारोबारमा २२३ वटा कम्पनीको शेयर मूल्यमा गिरावट आएको छ भने १८ वटा कम्पनीको शेयर मूल्य मात्रै वृद्धि भएको छ । त्यस्तै, नेप्सेका सबै उपसूचक र समूहको शेयर मूल्य घटेको छ ।
प्रतिक्रिया