काठमाडौं – एक गोलले पछि परेको अवस्था उल्ट्याउँदै लिभरपुलले इङ्ग्लिस प्रिमियर सिपको खेलमा साउथ हाम्टानलाई ३–१ ले हराएको छ। यो जितसँगै लिभरपुलले प्रिमियरसिपमा १६ अंकको अग्रता कायम गरेको छ।

पहिलो हाफको इन्जुरी समयमा विल स्मलबोनले साँघुरो कोणबाट गोल गर्दै साउहाम्टनलाई अग्रता दिलाएका थिए। पहिलो हाफको समाप्तिमा १-० ले पछाडि रहेको लिभरपुलले दोस्रो हाफमा कमब्याक गरेको हो।

दोस्रो हाफको सुरुवात अर्थात् खेलको ५१ औँ मिनेटमा डर्विन नुनेजले गोल गर्दै लिभरपुललाई खेलमा फर्काएका थिए। ५५ औँ मिनेटमा नुनेजलाई नै फल प्रहार भएपछि पाएको पेनाल्टीलाई मोहम्मद सलाहले गोलमा परिणत गरे। त्यसपछि खेलको ८८ औँ मिनेटमा फेरि पाएको पेनाल्टीमा सलाहले अर्को गोल गर्दै लिभरपुललाई ३-१ को प्रष्ट जितको बाटोमा पुर्याएका हुन्।

यो सलाहको सिजनको २७ औँ गोल हो। यो जितसँगै लिभरपुलको ७० अङ्क छ भने दोस्रो स्थानमा रहेको आर्सनलको ५४ अङ्क छ।