काठमाडौं – टी–२० सिरिजको फाइनलमा मलेसियाले नेपाललाई १०४ रनको चुनौती दिएको छ ।
घरेलु मैदान वायुमास ओभलमा बुधबार बिहान टस जितेर सुरुमा ब्याटिङ गरेको मलेसियाले ७ विकेटको क्षतिमा १०३ रन बनाएको हो । उसका लागि विन्डर डानियाले ४० रन बनाउँदा माहिरा इज्जाइले १९ रन बनाइन् ।
मलेसियालाई सस्तैमा समेट्न नेपालका लागि राजमती ऐरी र कविता कुँवरले तीनतीन विकेट लिए । ऐरीले तीन ओभर बलिङ गर्दै १५ रन खर्चिएर तीन विकेट लिएकी हुन् भने कुँवरले चार ओभर बलिङ गर्दा १६ रन दिएर समान तीन विकेट हात पारेकी हुन् । नेपालका लागि अर्को एक विकेट रचनाकुमारी चौधरीले हात पारिन् ।
अहिले नेपालले जवाफी ब्याटिङ गर्दैछ ।
प्रतिक्रिया