काठमाडौं – नेपाली महिला क्रिकेटमा इन्दु बर्माले हजार रनको कोसेढुंगा पार गरेकी छन् । बुधबार मलेसियाविरुद्ध उत्कृष्ट ब्याटिङ गर्दै नेपाली राष्ट्रिय महिला टिमकी कप्तान बर्माले हजार रन पूरा गरेकी हुन् ।
मलेसियाविरुद्धको टी–२० सिरिजको चौथो खेलमा मंगलबार नटआउट ४८ रन बनाउँदै बर्माले हजार रन पूरा गरेकी हुन्। उनले ७७ खेलमा एक हजार ४३ रन बनाएकी हुन् ।
नेपाली महिला टिमकी पूर्व उपकप्तान सीता रानामगरले ९६५ रन बनाउँदा पूर्व कप्तान रुविना क्षेत्रीले ९३६ रन बनाएकी छन् । अब सीता र रुविना हजार रनको कोसेढुंगा नजिक पुगेका छन् ।
प्रतिक्रिया