काठमाडौं– गर्मी मौसममा बजारमा धेरै किसिमका तरकारी पाइन्छ, जुन धेरै किसिमका पौष्टिक तत्त्वले भरिपूर्ण हुन्छ । मानिसहरूले यसको सेवनको फाइदा लिन सकोस् भनेर धेरै उपभोग गर्छन् । यस्तै अर्को तरकारी ड्रमस्टिक अर्थात् सजिवन हो, जुन गर्मीमा प्रशस्त मात्रामा पाइन्छ ।

सजिवनलाई प्रोटिनको भण्डार भनिन्छ । यसको सेवनले धेरै प्रकारका रोगहरूमा फाइदा गर्छ तर कतिपयको लागि यसको सेवन हानिकारक पनि हुन सक्छ । आउनुहोस् जानौँ कस्ता मानिसहरूले यसको तरकारी वा सुप खानु हुँदैन भन्ने बारेमा ।

हामी तपाईँलाई बताउँछौँ कि हरेक फलफूल र तरकारीमा केही गुण र बेफाइदा हुन्छ। त्यस्तै ड्रमस्टिकमा पनि केही बेफाइदा हुन्छ । जसका कारण केही रोगमा यसको सेवन हानिकारक हुनसक्छ ।

गर्भवती महिला
गर्भवती महिलाले यसको सेवन गर्नु हुन्न । वास्तवमा यसको प्रकृति तातो छ । त्यसैले यसको अत्यधिक सेवनले हानि हुन सक्छ। यसका साथै अत्यधिक रक्तस्रावबाट पीडित महिलाहरूले पनि यसको अधिक सेवन गर्नु हुन्न ।

बीपी लो
लो ब्लडप्रेसरको समस्या भएका व्यक्तिले पनि सजिवन खानबाट जोगिनुपर्छ । वास्तवमा यसको सेवन उच्च रक्तचापमा फाइदाजनक मानिन्छ । यसले उच्च रक्तचापलाई छिटो कम गर्न मद्दत गर्छ। त्यसैले निम्न रक्तचाप भएका व्यक्तिहरूले यसको सेवन गर्नुहुन्न ।

ग्यास्ट्रिक र अल्सर
ग्याँस र अल्सर जस्ता समस्या भएका मानिसहरूले पनि यसको सेवन गर्नु हुन्न ।
 
स्तनपान
बच्चा जन्माएपछि पनि यसको सेवन गर्नु हुन्न । यसका साथै यदि महिलाले स्तनपान गराइरहेकी छिन् भने त्यसको सेवनबाट पनि बच्नुपर्छ । एजेन्सीबाट साभार