काठमाडौं– गायक जोडी महेश काफ्ले र गायिका अस्मिता अधिकारीले अमेरिका टुर घोषणा गरेका छन् ।

काठमाडौंको हात्तिसारस्थितमा मंगलबार पत्रकार सम्मेलन गरेर यो जोडीले अमेरिका टुर घोषणा गरेको हो । उनीहरू ‘सोलफुल युएसए’ नामक सांगितक कार्यक्रम अन्तर्गत रहेर अमेरिका टुर गर्ने भएका हुन् ।

सन् २०२५ को अगस्टदेखि अक्टोबरसम्म टुर चल्ने उक्त पत्रकार सम्मेलनमा जानकारी दिइएको छ । अमेरिकाका २० वटा शहरमा उनीहरूले साङ्गीतिक प्रस्तुति दिने तय भएको बताइएको छ ।

कोलम्बस, ओहायो, मियामी, फ्लोरिडा, ब्रानफोर्ड, एसबर्न, भर्जिनिया, ल्यान्कास्टर, पेन्सिलभेनियालगायतका शहरमा यो कार्यक्रम हुने आयोजकले थ्री ई इन्टरटेन्मेन्ट बताएको छ ।

केही दिनमा कार्यक्रम तालिका सार्वजनिक गर्ने तयारीमा आफूहरू रहेको आयोजकले जानकारी दिएको छ ।

आफूहरूको लाइभ प्रस्तुतिका लागि तयार भएर बस्न दर्शकलाई महेशले आग्रह गरेका छन् ।

आयोजक थ्री ई इन्टरटेन्मेन्टका नेपाल प्रतिनिधि अञ्जान बुढाथोकीका अनुसार अमेरिकामा यो जोडी गायकको माग भएकाले यो कार्यक्रम गर्न लागिएको हो ।

महेश र अस्मिता श्रीमान्-श्रीमती हुन् । उनीहरू गत फागुनमा विवाह बन्धनमा बाँधिएका हुन् ।

यो पनि : विवाह बन्धनमा गायक जोडी महेश र अस्मिता