काठमाडौं- गत चैत १५ गते काठमाडौंको तीनकुनेमा भएको आन्दोलन हिंसात्मक हुँदा धक्का व्यहोरेका राजावादीहरूले आगामी जेठ १५ गते अर्थात् गणतन्त्र दिवसकै दिन राजा माग्दै अनिश्चितकालीन आन्दोलन गर्ने भएका छन् ।
त्यसका लागि नवराज सुवेदीको नेतृत्वमा सबै राजावादी दल र समूह एकैठाउँ भेला भएका छन् ।
बिहीबार संयुक्त जनआन्दोलन समितिका संयोजक नवराज सुवेदीसहित जुटेका विभिन्न राजावादी दल र समूहले यस्तो घोषणा गरेका हुन् ।
अब उनीहरूले सुवेदीलाई नै साझा नेता मानेर आन्दोलन गर्न लागेका हुन् । त्यसका लागि राजेन्द्र लिङ्देन, कमल थापा, प्रकाशचन्द्र लोहनी र विक्रम पाण्डेसहिका नेताहरू एकै ठाउँ उभिएका छन् ।
तस्बिरहरू : नेपाल फोटो लाइब्रेरी
प्रतिक्रिया