काठमाडौं- युक्रेनी राष्ट्रपति भोलोदिमिर जेलेन्स्कीले रुसी सेनामा आबद्ध चिनियाँ नागरिकलाई नियन्त्रणमा लिइएको बताएका छन् । जेलेन्स्कीले सामाजिक सञ्जाल एक्समा एउटा भिडियो पोस्ट गर्दै यसबारे जानकारी दिएका हुन् ।
समाचार संस्था रोयटर्सका अनुसार मुलुकका पूर्वी भागबाट उनीहरुलाई नियन्त्रणमा लिइएको हो । उनीहरुको साथबाट उनीहरुको पहिचान हुने दस्तावेज पनि फेला परेको जेलेन्स्कीको भनाइ छ ।
चीन रुसको महत्वपूर्ण साझेदारको रुपमा रहेको छ । जेलेन्स्कीले रुसी सेनामा अरु पनि चिनियाँ नागरिक आबद्ध हुनसक्नेबारे थप अनुसन्धान गर्न अधिकारीहरुलाई निर्देशन दिइएको जनाएका छन् ।
प्रतिक्रिया