काठमाडौं – ला लिगा अन्तर्गत शनिबार राति भएको खेलमा बार्सिलोनाले सानदार जित निकालेको छ। रोमाञ्चक खेलमा रियल बेटिसमाथि बार्साले ५-३ गोल अन्तरको जित निकालेको हो।

खेल सुरु भएको छैटौं मिनेटमा रियल बेटिसले अग्रता लिएको थियो। उसका लागि एन्टोनीले पहिलो गोल गरे। तर त्यसको पाँच मिनेटमै बार्सिलोनाका लागि फरान टोरेसले बराबरी गोल फर्काए। खेलको पहिलो हाफ अर्थात् १३ र ४० मिनेटमा थप दुई गोल गर्दै बार्सिलोनाका लागि टोरेसले ह्याट्रिक पूरा गरे।

दोस्रो हाफको ५९ मिनेटमा लामिन यामलले पेनाल्टी गोल गर्दै बार्सिलोनालाई ५-१ को अग्रता दिलाए। बार्सिलोनाविरुद्ध आक्रामक रुपमा प्रस्तुत भएको बेटिसका लागि ८५ औं मिनेटमा टिएगो लोरेन्टे अर्को गोल फर्काए। खेलको अन्तिम समय ९० औं मिनेटमा कुचो हर्नान्डेजले पेनाल्टी गोल गर्दै खेल ५–३ मा सकिएको हो।