काठमाडौं- पाकिस्तानको उपभोक्ता मुद्रास्फीति बढेको पाइएको छ । अक्टोबर महिनामा पाकिस्तानको मुद्रास्फीति ६.२ प्रतिशत पुगेको त्यहाँको तथ्याङ्क ब्यूरोले जनाएको छ ।

मासिक आधारमा यो १.८ प्रतिशतले वृद्धि हो । हालै आएको बाढी र सीमा क्षेत्रमा आपूर्ति श्रृङ्खलामा उत्पन्न अवरोधका कारण मुद्रास्फीति बढेको ब्यूरोले जनाएको छ ।

हालै पाकिस्तानको केन्द्रीय बैंक स्टेट बैंक अफ पाकिस्तानले महत्वपूर्ण नीति दर ११ प्रतिशतमा कायम राखेको छ । नयाँ आर्थिक वर्षअघि मुद्रास्फीति दर ५ देखि ७ प्रतिशत हुने सम्भावनालाई ध्यानमा राख्दै बैंकले यस्तो निर्णय गरेको समाचार संस्था रोटयटर्सले जनाएको छ ।

गत वर्ष पाकिस्तानको मुद्रास्फीति झण्डै ३० प्रतिशतसम्म पुगेको थियो । केन्द्रीय बैंकले समग्र आर्थिक प्रक्षेपण सकारात्मक रहेको जनाएको छ ।

मजबुत औद्योगिक गतिविधि र कृषि उपजमा वृद्धिलेका कारण अर्थतन्त्र सकारात्मक हुने बैंकले जनाएको हो ।