काठमाडौं – सरकारले सामाजिक सञ्जाल बन्द गर्ने निर्णयबारे पूर्वप्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले राखेको पोस्टमा काठमाडौ महानगरपालिकाका मेयर बालेन शाहले कमेन्ट गरेका छन् ।

प्रचण्डले आइतबार फेसबुकमा स्टाटस लेख्दै सामाजिक सञ्जालमाथि लगाइएको रोकलाई गलत बताएका थिए। उनले भनेका छन्, “सरकारले गरिरहेको भ्रष्टाचार र सामाजिक सञ्जाल अबरोधका विरुद्ध युवाहरूले गर्न लागेको प्रदर्शन स्वाभाविक छ। प्रदर्शनमाथि सरकारले बल प्रयोग गर्ने धृष्टता नगरोस। भ्रष्टाचारका विरुद्ध हाम्रो आन्दोलन जारी रहेको कुरा स्पष्ट छ।”

यसै स्टाटसमा मेयर बालेनले टिप्पणी गर्दै प्रचण्डलाई विगत सम्झाएका छन्। बालेनले लेखेका छन्, “एकादेशमा टिकटक पनि ब्याण्ड भएको थियो । हजुर प्रधानमन्त्री हुँदा पनि म मेयर नै थिए, काम हजुरबाट पनि केहि भएन कमरेड ! मेरो लागि एक दिन दिइएको भए म काठमाडौँको खोला नाला फेरिदिन्थे।”