काठमाडौं – नेपाली राष्ट्रिय महिला फुटबल टोलीले फिफा वरीयतामा १३ स्थानको फड्को मार्दै ८७औं स्थानमा उक्लिएको छ। फिफाले बिहीबार सार्वजनिक गरेको नयाँ वरीयतामा नेपालले हालसम्मकै उच्च स्थान हासिल गरेको हो।
नेपालले हालै उज्बेकिस्तानमा सम्पन्न एएफसी महिला एसियन कप छनोटमा लाओस र श्रीलंकाविरुद्ध एकतर्फी जित निकालेको थियो भने उज्बेकिस्तानसँग बराबरी खेलेको थियो।
यस उत्कृष्ट प्रदर्शनका कारण नेपाल दक्षिण एशियामा दोस्रो स्थानमा उक्लिएको छ। यो उपलब्धिले नेपाली महिला फुटबलको मनोबल बढाउनुका साथै अन्तर्राष्ट्रिय स्तरमा प्रतिस्पर्धा गर्ने सम्भावनालाई बलियो बनाएको छ।
प्रतिक्रिया