काठमाडौं – भारतले इङ्गल्यान्डसँगको दोस्रो टेस्टमा ३३६ रनको जित हात पारेको छ। ६०८ रनको लक्ष्य पाएको इङ्गल्यान्डले २७१ रनमा सम्पूर्ण विकेट गुमाएको हो।

इङ्गल्यान्डको पारी ध्वस्त गर्ने क्रममा आकाश दीपले ६ विकेट लिए। उनले पहिलो पारीमा चार विकेट लिएका थिए। कप्तान शुभ मन गिलले यस टेस्टमा स्टार बलर जसप्रित बुमराहलाई आराम दिँदै आकाश दीपलाई असर दिने निर्णय गरेका थिए।

पहिलो पारीमा ५८७ रन जोडेको भारतले विपक्षीलाई ४०७ रनमा रोकेको थियो। यसै गरी भारतले दोस्रो पारीमा ६ विकेटको क्षतिमा ४२७ रन जोडेर पारी समाप्तिको घोषणा गरेको थियो। चौथो पारीमा इङ्गल्यान्डका जेम स्मिथले ८८ रन जोडे।

पहिलो पारीमा २६९ तथा दोस्रो पारीमा १६१ रन जोडेका कप्तान गिल म्यान अफ द म्याच भए। जितपछि शृङ्खलामा १-१ को बराबरी भएको छ।