पोखरा– पोखराको व्यवसायिक ग्रुप चिल्ली ग्रुप अफले टेम्पल बेल बुटिक होटल संचालनमा ल्यायको छ ।

पोखराका पर्यटन व्यवसायी दाजुभाइ विश्वराज पौडेल र भीष्मराज पौडेलले ‘टेम्पल बेल बुटिक होटल एण्ड स्पा’ सञ्चालनमा ल्याएका हुन् ।

पोखराको लेकसाइडस्थित स्ट्रिट नम्बर १७ लालुपाते मार्गमा सञ्चालित टेम्पल बेल बुटिक होटलमा ४७ वटा डिलक्स रुम, ५ वटा सुपर डिलक्स, २ वटा जुनियर स्विट र १ वटा प्रेसिडेन्सियल स्विट रुम छन् ।

स्विमिङ पुल, कन्फ्रेन्स हल, फिटनेस हल, स्पा लगायत पर्यटकका लागि आवश्यक सेवा होटलमा उपलब्ध हुने सञ्चालक विश्वराज पौडेलले बताए । उनले बुटिक होटल भएकाले आन्तरिक तथा बाह्य पर्यटकको आकर्षक गन्तव्य बन्ने विश्वास व्यक्त गरे ।

आधुनिक डिजाइन र नेपाली शैलीलाई मिक्स गरे निर्माण भइरहेको होटलमा अण्डर ग्राउण्ड सहित प्रयाप्त पार्किङ, कार्यक्रम गर्नका लागि सेमिनार तथा मिटिङ हलको सुविधा छ ।

साढे २ रोपनी जग्गामा निर्माण भइरहेको होटल तयार गर्न करिब ५५ करोड रुपैयाँ लगानी भइसकेको अर्का सञ्चालक भीष्मराज पौडेलले बताए ।

चिल्लीअन्तर्गत अहिले चिल्ली बार एण्ड रेष्टुरेन्ट, हिमालयन ग्लोरी इन र ३६० डिग्री स्काई लाउन्ज सञ्चालित छ । ग्रुपले अहिले १ सय ४० जनालाई रोजगारी दिएको छ । ग्रुपले होटलका लागि जग्गासहित करिब डेढ अर्ब लागनी गरेको छ ।