काठमाडौं – ‘अरेली काँडैले’ गीत युट्युबमा १० करोड भ्युज पाउने पहिलो लोक दोहोरी गीत बनेको छ । गायिका शान्तिश्री परियारको एकल स्वर रहेको यो गीत शुक्रबार १० करोड क्लबमा प्रवेश गरेको हो ।
शान्तिश्रीले यो गीत वि.सं. २०८० को तीजमा सार्वजनिक गरेकी थिइन् । डेढ वर्षको अवधिमा यो गीतले १० करोड भ्युज पाएको हो ।
यससँगै गायिका परियार सबैभन्दा बढी भ्युज पाउने लोक दोहोरी गायिका बनेकी छन् । यसभन्दा अघि कुनै पनि लोक दोहोरी गीत १० करोड क्लबमा प्रवेश गरेका थिएनन् । यो लोक दोहोरी गीतको नयाँ कीर्तिमान हो ।
यस गीतको भिडियोमा गायक प्रकाश सुपुत र मोडल अञ्जली अधिकारी फिचर्ड छन् । नेत्र अर्यालको शब्द र खेम सेञ्चुरीको सङ्गीत रहेको छ ।
प्रतिक्रिया