काठमाडौं – ऊर्जा, जलस्रोत तथा सिँचाइमन्त्री दीपक खड्काले सरकारसँग भएको जलविद्युत आयोजनाहरूलाई एकै पटक सुरु गर्नुपर्ने बताएका छन् ।

सिंहदरबारमा शुक्रवार बसेको प्रतिनिधिसभा अन्तर्गतको पूर्वाधार विकास समितिमा बोल्दै मन्त्री खड्काले जलविद्युत क्षेत्रमा सरकारले लिएको लक्ष्य हासिल गर्नका लागि सबै आयोजनाहरू एकैसाथ सुरु गर्नुपर्ने बताएका हुन् ।

बिबिधि कारणले जलविद्युत आयोजना निर्माण रोकिएर बस्नुपर्ने अवस्थाले देशलाई नै घाटा हुने उनले बताए । उनले आयोजना निर्माण गर्दा लगानीकर्ता पर्खिएर बस्नुपर्ने अवस्थाका कारण केही महत्त्वपूर्ण आयोजना सुरु हुन नसकेको धारणा राखे ।

बैठकमा समिति सदस्यहरूले सरकारको स्वामित्व रहेको जलविद्युत कम्पनीहरूले पनि समयमा नै आयोजना सम्पन्न गर्न नसक्दा राज्यलाई घाटा भएको प्रति ध्यानाकर्षण गराएका थिए । त्यस्तै सरकारको स्वामित्व रहेको जलविद्युत कम्पनीहरुहरुले सेयर जारी गर्दा सम्बन्धित निकायको स्वीकृत आवश्यक रहेकोमा यस्तो नदेखिएको उनीहरूले बताएका थिए ।