काठमाडौं– युईएफए च्याम्पियन्स लिग फुटबलमा बायर लिभरकुजेनले जित निकालेको छ ।
गएराति लिस्बनमा भएको खेलमा बेनिफिकालाई १–० गोलले हराउँदै लिभरकुजेनले नयाँ सिजनको पहिलो जित निकालेको हो ।
खेलमा लिभरकुजेनका सब्स्टिच्युड खेलाडी प्याट्रिक शिकले गोल गरेका थिए । उनले खेलको ६५औँ मिनेटमा गरेको गोल नै टोलीको जितका लागि निर्णायक बनेको थियो ।
यो खेलसँगै प्रतियोगितामा एकमा जित दुईमा बराबरी र एकमा हार बेहोरेको लिभरकुजेन ५ अंकका साथ तालिकाको २१औँ स्थानमा रहेको छ ।
यस्तै, पराजित भएको बेनिफिका अंक विहीन छ । उसले अहिलेसम्मका आफ्ना चारवटै खेलमा हार बेहोरेको छ ।
प्रतिक्रिया