काठमाडौं– राष्ट्रिय क्रान्तिकारी मोर्चाले पनि प्यालेस्टाइनमा भइरहेको इजरायल र अमेरिकी हस्तक्षेपविरुद्ध प्रदर्शन गरेको छ ।
मोर्चाका नेता-कार्यकर्ताहरूले प्यालेस्टाइनलाई अमेरिकी उपनिवेश बनाउन खोजिएको भन्दै विरोध जनाएका हुन् ।
उनीहरूले बिहीबार माइतीघरमा भेला भएर ‘हामी अमेरिकी साम्राज्यवादको पर्दाफास गर्नेछौँ’, ‘स्वतन्त्रताका लागि लडिरहेका जनतासँग ऐक्यबद्धता गर्छौँ’ जस्ता नारा पनि लगाएका थिए ।
प्रदर्शनकारीले इजरायलको चर्को विरोध गर्दै प्यालेस्टाइनमा भइरहेको नरसंहार र नाकाबन्दीबारे पनि प्रश्न उठाएका छन् । प्रदर्शनमा सहभागीहरूले नेपाली युवा विपिन जोशीको रिहाइ माग पनि गरेका छन् ।
तस्बिरहरू : नेपाल फोटो लाइब्रेरी
प्रतिक्रिया