काठमाडौं – राष्ट्रिय प्रजातन्त्र पार्टी (राप्रपा) नेपालका प्रवक्ता एवं प्रतिनिधि सभा सदस्य ज्ञानेन्द्र शाहीले राष्ट्रपतिको ठाउँमा राजालाई राख्नेगरी आफूहरूले राजसंस्थाको परिकल्पना गरेको बताएका छन् ।

रिपोटर्स क्लव नेपालले बिहीबार काठमाडौँमा आयोजना गरेको साक्षात्कारमा उनले जनताबाट प्रत्यक्ष निर्वाचित कार्यकारी प्रधानमन्त्री र राष्ट्रपतिको ठाउँमा राजालाई राख्नेगरी आफूहरूले राजसंस्थाको परिकल्पना गरेको बताएका हुन् ।

राष्ट्रिय एकता, मुलुकको इज्जत र प्रतिष्ठाको लागि राजसंस्था अपरिहार्य रहेको उनले बताए। संसार भरी मुलुकको इज्जत र प्रतिष्ठालाई जोगाइराख्न राजसंस्थाबाहेक अरूले सक्दैन भन्ने कुरा नेपालको १६ वर्षको इतिहासमा देखिएको उनले बताए ।

त्यस्तै उनले प्रदेश संरचनालाई खारेज गर्ने विषयमा दलहरूबीच समझदारी बन्नुपर्नेमा जोड दिए । उनले आगामी फागुन २५ गते पूर्वराजा ज्ञानेन्द्र शाहको स्वागतका लागि त्रिभुवन अन्तर्राष्ट्रिय विमानस्थलमा उपस्थित हुन आह्वान समेत गरे ।