काठमाडौं – युरोपेली च्याम्पियन्स लिगको बुधबार राति भएको दोस्रो चरणको पहिलो लेगमा १० खेलाडीमा सीमित बार्सिलोनाले बेनफिकालाई १-० ले हराएको छ।

पहिलो हाफ गोलरहित बराबरीमा सकिएको खेलको दोस्रो हाफमा बार्सिलोनाका लागि राफिन्हाले निर्णायक गोल गरेका हुन्। ब्राजिलियन स्टार राफिन्हाले खेलको ६१ औँ मिनेटमा विपक्षीको रक्षापक्तिंको कमजोरीको फाइदा उठाउँदै गोल गरेका थिए।

राफिन्हाको यो गोल सिजनको २५ औँ हो भने च्याम्पियन्स लिग नवौँ हो।

यसअघि जनवरीमा यी दुई टोलीबीच पहिलो चरणमा प्रतिस्पर्धा भएको थियो। कुल ९ गोल भएको सो खेलमा राफिन्हाले इन्जुरी समयमा बार्सिलोनाका लागि विजयी गोल गरेका थिए।

गएरातिको खेलमा खेलको २२ औँ मिनेटमा बेनफिकाका स्ट्राइकर भेन्गेलिस पाब्लिडिसलाई डी बक्समा फल प्रहार गरे बापत बार्सिलोनाका टिनएजर पाउल काउरेरासीले रातो कार्ड पाएका थिए।