काठमाडौं- प्रमुख सत्तारुढ नेकपा एमालेका सांसद सूर्यबहादुर थापा क्षत्रीले गत चैत १५ गते काठमाडौंको तीनकुनेमा भएको हिंसात्मक घटनालाई लिएर राजावादीमाथि आक्रोश पोखेका छन् ।

सोमबार बसेको प्रतिनिधिसभाको बैठकको विशेष समयमा बोल्दै उनले नागरिकका घर तोडफोड गरेर राजतन्त्र नआउने बताएका हुन् ।

‘चैत १५ गते तीनकुनेमा के के गरियो, दुनियाँले देखेका छन् । नागरिकका घरमा तोडफोड, लुटपाट र डकैतीका बलमा कस्ता हर्कत भए । राप्रपाका सांसद, नेता र महामन्त्रीहरू गएर त्यहाँ उत्पात मच्चाउने, राजा चाहिन्छ भन्दै व्यवस्था बदल्न अनेक हर्कत गर्ने । अनि बाहिर आएर पानीमाथिको बन्ने’, उनले भने, ‘व्यवस्था लुटपाट आगजनीबाट बदलिँदैन। वियर चोरेर बदलिँदैन ।’

उनले छिपछिपे सहकारीमा मुछिएकी सांसद गीता बस्नेतलाई सार्वजनिक गर्न पनि राप्रपालाई चुनौती दिएका छन् ।