काठमाडौं – च्याम्पियन्स लिगको दोस्रो चरणको पहिलो लेगमा रियल म्याड्रिड विजयी भएको छ। गएराति भएको खेलमा रोड्रिगो र ब्राहिम डियाजको गोलले रियलले एट्लेटिको म्याड्रिडलाई २-१ गोलले हराएको हो।
रोड्रिगोले खेलको चौथो मिनेटमा नै रियललाई अग्रता दिलाएका थिए। उनले विपक्षी रक्षकलाई सुन्दर ढङ्गले पार गर्दै शानदार सुरुवाती गोल गरेका हुन्।
खेलको ३२ औँ मिनेटमा एट्लेटिकोका लागि जुलियन अल्भारजेले गोल गर्दै खेल १-१ को बराबरीमा फर्काएका थिए। तर दोस्रो हाफको सुरुवात अर्थात् खेलको ५५ मिनेटमा डियाजले रियलका लागि शानदार गोल गर्दै २-१ को अग्रता कायम गरेका हुन्। उनको त्यो गोल नै जितका लागि निर्णायक बनेको हो।
प्रतिक्रिया