काठमाडौं– नेकपा माओवादी केन्द्रका नेता राम कार्कीले आफूहरूले राजनीति छोडेको भनेर चन्दा नलागेको तर कार्यकारी भूमिकामा नहुने दाबी गरेका छन्।

ललितपुरको एक क्याफेमा पत्रकार सम्मेलन गरेर पार्टी नेता जनार्दन शर्मा र उनले आफू कार्यकारी भूमिकामा नरहने उल्लेख गरेका थिए। तर पत्रकारहरूले पुन: प्रश्न गरेपछि कार्कीले थप क्लियर गरेका छन्।

‘राजनीति छोडेर चन्दन लाउन लागेको होइन । म यहाँहरूलाई क्लियर गर्न चाहन्छु म धेरै आदर्शवादी कुरा गर्दिन। तर कार्यकारी भूमिकामा रहँदैनौं, उनले भने, ‘यही तरिका, यही चलन, यही राजनीतिलाई बचाइ राख्ने एमाले समाजवादी र माओवादीका केही नेताहरू  छन्। किन बेच र खरिद बिक्रीको राजनीतिलाई समाप्त पारेर स्वास्थ्य राजनीतिलाई अगाडि लिन्छौं।’

उनले नयाँ पुस्तालाई राजनीतिमा आउन र पुराना पुस्ताको सुझाव लिएर अगाडि बढ्न समेत आग्रह गरे। 

‘नयाँ पुस्ता राजनीतिमा आउनुपर्छ म उहाँहरूलाई स्वागत गर्न चाहन्छु तर पुराना पुस्ताले दिएको सही सुझावलाई उहाँहरूले अनुसरण गर्नुपर्छ। कुरा सुन्नुपर्छ।’

अबको राजनीतिक कोर्स भनेको युवाहरूले गर्ने हो । तर त्यहाँ पीडितहरूको महिलाहरूको मजदुरहरूको किसानहरूको आवाज भने मुखरित हुनुपर्छ।