काठमाडौं– भारतले भूकम्पबाट पीडित अफगानिस्तानलाई मानवीय सहायता प्रदान गरेको छ । भारतको विदेश मन्त्रालयले सामाजिक सञ्जाल एक्समा पोस्ट गर्दै अफगानिस्तानलाई मानवीय सहायता प्रदान गरेको जानकारी दिएको हो ।

सामाजिक सञ्जालमा पोस्ट गरिएको तस्बिरमा चामल र अन्य खानेकुराका बोरा लोड गरिएका ट्रकहरु देख्न सकिन्छ । त्यसअघि भारतीय विदेशमन्त्री एस जयशङ्करले अफगानिस्तानका समकक्षी मौलवी आमिर खान मुत्तकीसँग टेलिफोनमा कुराकानी गर्दै भूकम्पप्रति दुःख व्यक्त गरेका थिए ।

विदेशमन्त्री जयशङ्करले राजधानी काबुलमा पीडितका लागि १ हजार पाल वितरण गरिएको जानकारी दिएका छन् । त्यसैगरी भारतले प्रदान गरेको थप १५ टन खानेकुरा पनि काबुलबाट कुनारतर्फ लगिएको जनाइएको छ ।

गत सोमबार अफगानिस्तानमा ६.३ रेक्टर स्केलको भूकम्प गएको थियो । भूकम्पको केन्द्रविन्दु अफगानिस्तानको ननगरहार प्रान्तमा रहेको जनाइएको छ ।

भूकम्पको धक्का पाकिस्तानका विभिन्न क्षेत्रमा पनि महसुस गरिएको थियो । भूकम्पका क्रममा हालसम्म २ हजार २ सय जनाको ज्यान गइसकेको छ । उक्त