काठमाडौं– जिल्ला प्रहरी कार्यालय चितवनले मोटरसाइकल मोडीफाई गरी होहल्ला मच्चाउने मोटरसाइकल चालकहरूलाई कारबाही अभियान तीव्र पारेको छ ।  

बुधबार चितवनमा पत्रकार सम्मेलन गर्दै जिल्ला प्रहरी कार्यालय चितवनले १ महिनाका अवधिमा ६६ वटा मोडीफाई गरी चलाउने चालक मोटरसाइकल नियन्त्रणमा लिएर जरिवाना र सचेतना प्रदान गरी छाडिएको जिल्ला प्रहरी कार्यालयका प्रहरी उपरीक्षक गोविन्द पुरीले बताए । 

उक्त मोटरसाइकल चालक वाट ७ लाख ६८ हजार रुपैयाँ जरिवाना असुल गरेको उनले बताए ।  प्रहरी उपरीक्षक पुरीले जिल्लामा प्रहरी शान्ति सुरक्षा कायम गर्ने सिलसिलामा २८ वर्ष ८ महिना कैद सजाय र १० लाख ३७ हजार जरिवाना भएका १ सय ३० जना फरार प्रतिवादी पक्राउ गरी अदालतमा उपस्थिति गराएको जानकारी दिए ।

प्रहरी उपरीक्षक गिरीले चितवन प्रहरीले विपद् प्रतिकार्य योजना तथा थप जनशक्ति परिचालन उद्धार एव राहत राहत सामग्री व्यवस्थापन प्रहरी समुदाय साझेदारी कार्यक्रम र आर्थिक अपराध अनुसन्धानका लागि छुट्टै शाखा बनाउने योजना रहेको बताए ।